Шарыпова Анна

19-тӥ пӧсьтолэзе ми доры куное вуылӥзы Маша Корепанова («Лудорвай» музей-заповедникысь этно кырӟась) но Коля Анисимов (Tartu университетысь докторант, ваньмызлы тодмо кизили). Ужрадмы пресс-конференция кадь ортчоз шуэмзы бере, тросэз малпазы тунсыко уз лу шуыса, вушйылыса пукыны кутскозы. Но чик озьы ӧй вал! Маша кырӟаз уйпал удмуртъёслэсь но бессермян калыклэсь гуръёссэ, нош Коля  башкир но уйпалась удмурт кырӟанъёсты. Жингрес чебер куаразы сюлме пырыса, быдэс мугорэз оломар карыса лэзе. Кырӟамзы сяна серекъятӥзы на, ужакузы угось трос серем учыръёс луыло, пе. Со бӧрсьы  соос милемлы чеберинамез бырйыны юрттӥзы. Ми но соосты туж паймытӥмы малпаськом.

Ми туж шудоесь! Ми доры куное нимысьтыз таӵе тунсыко но тодмо адямиос вуылӥзы. Оскем потэ, таӵе куноосмы луозы на шуыса.

Шарыпова Анна

Ӧтисько ваньдэсты сюй мунё лэсьтыны! Нырась ик, гудыса ваем сюез куасьто, жуг-жаглэсь утялто. Со бӧрсьы горд сюез 1-2 арня ӵоже вуэ поныса возё. Горд сюймы дась. Но мунё лэсьтон понна кулэ на бырйыны ужан инты. Собере кулэ ӟустари коттыны, ву дасяны, мунёез чеберман понна шипуос, погыльскон но капчи мылкыд. Табере сюй мунё лэсьтыны луэ ни.

Мон но мылысь-кыдысь та уж борды кутски. Нырысь малай-кыӵе каньыл уж, соин ик дыр татын пичиос. Бӧрысь сыӵе малпанэ тӧлӟиз. Сюен ужаны туж шуг вылэм:  ки борды лякиське, мугорыз вольыт уг лу, нош шонертыны еще но шуг. Кызьы но озьы лэсьтӥ ик мунеме. Табере дорам синпельлы нуо. Нош та отрядысь нылпиос доразы туж трос мунёос дасяллям ни. Басьтэм быгатонмес дорамы пыжыськон ужын, пе, кутом, эшъёсмылы синпель кузьым лэсьтылом. Ӧнерчизы, Вера Анатальевна, верамъя, сюйлэсь оломар но лэсьтыны луэ. Но огпол сураськид ке, выльысь ваньзэ тупатоно. Нылпиослы кельше лэсьтиськыны, одигез гинэ уг яра-туж кыжмоно, пе.

Шарыпова Анна

 Ооо! Ааа!- быдэс зал тыр шуккисько «Эстрада» отрядлэн куараоссы. Тазьы соос асьсэлэсь куаразэс волято, со бӧрсьы эктыны но вуо на. Ӧнерчизы, Марина Галичанина, валэктэ — кырӟась котькуд нунал, пе, кулэ таӵе упражнениос лэсьтыны, соку куараед жингрес но чебер потоз. Озьы соос кема выризы на, со бӧрсьы кырӟамзы зэмзэ но шӧдскымон чебергес кылӥськыны кутскиз.

Кружоказы пукыса валай-татын соос трос выльзэ басьтозы, азьланяз бадӟым сцена вылын пиштозы шуыса.

Матвеев Лев

Туннэ суредасьёс вӧзти ортчыкум, пайми соослэн ужамзылы. Бызьыса доразы вуи, кӧня ке юан сётӥ. Таӵе ивор басьтӥ: котькуд нунал туж зол но мыло — кыдо ужало, суреданы туж кельше. Берпуметӥ нуналаз луоз адӟытонзы. Отчы пыртэмын луозы смена куспын лэсьтэм ужъёсты.  4  нунал куспын  трос суред кариллям ни: шудон коркаосты, писпуосты, пудо-животъесты но уй имбамез.  Пиналъёслы  кельше ӧнерчизы Евгений Бикузин. Со тодэ аслэсьтыз ужзэ. Вуоно суредасьёс шумпотэмын таӵе отрядэ сюремзылы. Соослы яра асьсэ эшъёссы. Азьло аръёсы суредасьёс ӧз вуылэ 4 час куспын ужаны, уйин ужаллязы. Туэ пиналъёсмы ӝог ужало,  со дыр куспын ик ужзэс быдто. Оскисько, адӟытонзы туж тунсыко но аспӧртэмлыко луоз шуыса.

Семакина Анастасия

Котькуд отряд выемын аслаз творчествояз. «Театр» отряд доры лыктыса, вунэтӥськод укно сьӧрысь улонэз. Пиналъёс мыным азьло ик веразы,режиссёрез,пе, уг яра исаны, со быдэсак ужын. Зэмзэ, ужзы мынэ рос-прос. Споръяськон, бӧрдон, яратон – ваньмыз вань та отрядын. Али мынэ С.Антоновлэн пъесаезъя «Шаян пи» репетиция. «Шаян  пилэсь» рользэ быдэстӥсь юн ӟеч шудэ. Адске, пияш быгатӥз валаны ас рользэ. Ваньмыз ужало, бызьыло. Учкод: нокин но ӧз жадьы кадь. Одӥг нылъёс сценаез трос пол шудоно луо. Режиссёр В.Ушаков  ваньзэ валэктыны тырше, персонажъёслэсь сямъёссэс но, пьессалэсь пуштроссэ но. Мон сямен, та выжыкыл секыт ке но, туж тунсыко. «Шаян пи» ас интызэ та дуннеын утчаны тырше туж аспортэмлыко: яке бускель ныллэсь йырсизэ вандоз, яке анайзэ мунчое пытсалоз. Туж тодэм потэ выжыкыллэсь пумзэ. Малпасько, лагерь быронъя ваньзэ адӟом: кытчы вуоз шаян пи, но мар соин луоз. Ваньмыз тодмо луоз «Шундыкар 2013 »лагерь  сменалэн пумаз. Соку спектакль быдэсак возьматэмын луоз.

Матвеев Лев

Туэ журналистика отряд  туж аспӧртэмлыко ужъёсын выре. Ми гожъяськом статьяос, газет лэсьтӥськом, нош собере ваньзэ  лэзиськом «Шундылэн» сайтаз но «Вконтакте» группаяз.  Пӧртэм статьяос вӧзы, ми лэсьтылӥськом туспуктэмъёс. Котькуд нунал лагерямы ужа «Куркуям» газет. Отчы ми пыртӥськом аспӧртэмлыко учыръёс но ужрадъёс сярысь ивортонъёс.

 Семакина Анастасия

  Раньше я никогда не сталкивалась с созданием клипа. Но мне  было очень интересно, как  создаётся клип? В этом году мне удалось познакомиться с создателями клипа в лагере «Шундыкар-2013».Отряд «Видеоискусство» в этом году появился впервые. Это направление вышло из прежнего отряда телерадиожурналистика. Пять девчонок и трое мальчишек обдумывают задание специалиста: придумать сценарий для клипа «Шундыкар-2013». Есть уже некоторые идеи, одна из них передавать символическую вещь по кругу. Ребята также уже смогли подобрать музыку к клипу. У каждого из них свои ассоциации с музыкой, но в чувствах их  объединяет то, что  в их сердцах рождается что-то светлое. Режиссёр пытается объяснить, что видео состоит из завязки, кульминации и развязки. Каждый предлагает свой сценарий. Режиссёр по сценариям задаёт  вопросы: кому будет адресован клип, чему научатся зрители, посмотрев его, и в чём состоит изюминка клипа? Идеи ребят очень разнообразные, оригинальные, свежие. Из идей ребят видно, что у каждого свои взгляды на жизнь. Мне кажется очень трудно объединить в  клипе и восхождение солнца, и индивидуальность каждого отряда, и идею того, что каждый ребёнок в лагере «Шундыкар» может центром внимания, но у них столько энергии и сил, что у них это получится!

Антонова Надежда

Фольклор – со калыклэн зарни шыкысэз! Калык гуръёсты, эктонъёсты тодыса, сюлмын асьме калык понна бадӟым данъяськон кылдэ.

Фольклор отрядлы туэ удалтӥз. Соос нырысьсэ ӧнерчиенызы ӵош Пчеловодова Иринаен потазы экспедицие Шабердые. Вуоно фольклористъёс пумиськылӥзы пересьёсын, арлыдоосын. Соос пиналъёслы возьматӥзы пӧртэм сям-йылолъёсты: «Армие келян», «Сюан», «Йыр-пыд сётон». Озьы ик кырӟазы ярашон, рекурт но нуны веттан гуръёсты. Со сяна, пересьёс возьматӥзы «Ньыль пыр» эктонэз, мадизы пӧртэм крезьгуро инстументъёс сярысь. Кылсярысь, арган, гитара, балалайка. Ваньзэ сое соос нимало одӥг нимын – крезьёс. Пересьёс эктыку, пиналъёс но бордазы дышетско. Нош экспедициысь бертыса, люкам материалзэс выльысь кылзо но рос-прос дышето.