Удмурт егитъёслэн мерлыко «Шунды» огазеяськонзы Удмурт Элькунысь Спортъя, физкультурая но егитъёсын ужан политикая министерствоен, Удмурт Элькунысь Йӧскалык политикая министерствоен, Удмурт Элькунысь Эшъяськон юртэн валче 6-15-тӥ гудырикошконэ «Ёлочка» лагерьын быгатӥсь нылпиос понна «Шундыкар-2015» улосвылкуспо сменаез радъяло. Ӧтиськомы 6-11-тӥ классын шор ёзо школаосын дышетскись удмурт нылпиосты вожвылъяськонэ пыриськыны. Вожвылъяськон таӵе ӧръёсъя нуиське:  суредаськон, литература, крезьгур (фольклор, эстрада, крезьгуро инструментъёсын шудӥсьёс), театр, телерадиожурналистика, крезь лэсьтон, эктӥсьёс, видеоискусство, дӥськут дизайн. Вожвылъяськонэ пыриськон понна кулэ:

1. Пыриськись сярысь гожтэт ыстоно – нимзэ, фамилизэ, атай нимзэ, вордӥськем арзэ, улон интызэ, кыӵе классэз быдэстэмзэ, пӧртэм огазеяськонъёслэн ужазы пыриськемзэ пусъёно, «Шундыкар» лагере вуылэмзэ (кыӵе арын но кыӵе ӧръя пусъёно), одно ик герӟаськон амалъёсты (телефон номерез но электрон почтаез) гожтоно.
2. Быръем ӧръя уж быдэстоно:

• Суредаськон (7-10 кл.) – пӧртэм техникаен быдэстэм «Вордскем гуртэ» темая 5 уж келяно;
• Литература (7-11 кл.) – пӧртэм жанрен (кылбур, пьеса, верос, поэма но о.а.) 5 уж келяно, огез соос пӧлысь дор темалы сӥземын мед луоз.
• Крезьгур:

— Фольклор (6-9 кл.) – кыӵе ке крезьгуро инструмент улсын яке сотэк быдэстэм удмурт калык кырӟанъёслэсь гожтэмъёссэс келяно (CD или DVD-дискъёсын). — Эстрада (8-11 кл.) – DVD-диск вылын удмурт кырӟанъёсын кык пӧртэм видеозапись келяно (аудиозапись уг кутӥськы, пусъёно – кыӵе крезьгуро инструментэн шудӥськоды, одӥгзэ кырӟанэз a capella быдэстыны луэ). —  Крезьгуро инструментъёсын шудӥсьёс (8-11 кл.) – тодмо группаослэсь кык кырӟанзэс крезьгуро инструментэн (электрогитараен, акустика гитараен, бас-гитараен, барабанэн, синтезаторен) шудыса видеозапись келяно, пӧртэм стилен луэ – рок, панк, металл но мукет.

• Журналистика (8-11 кл.) – ачид сярысь веранэн 1-2 минутъем видеозапись келяно, со сяна элькун но ёрос газетъёсын азьвыл печатласькем 3-5 уж ыстоно, диктофонэн ужаны быгатэмез пусъёно.
• Театр (7-11 кл.) – учкытэк басняез, кылбурез яке спектакльысь люкетэз лыдӟоно (CD или DVD-дискъёсын).
• Крезь лэсьтон (7-11 кл.) – пулэсь яке мукет материаллэсь быдэстэм ужъёстылэсь 5 туспуктэмзэс келяно.
• Эктӥсьёс (9-11 кл.) – удмурт калык яке сценической эктонэз быдэстыса дасям видеоез келяно (пӧртэм тыпыртонъёс, берганъёс мед луозы).
• Дӥськут дизайн (7-11 кл.) – «Мар нуллэ Лымыныл?» темая 3 эскиз лэзёно.
• Видеоискусство (8-11 кл.) – эрико темая видеоролик келяно, уже одно ик нылпи пыриськыны кулэ (сценарийлэн авторез, пуктӥсь режиссер, оператор, монтажер луыса). Формат: avi, mov, mp4 CD яке DVD-дискъёсын.

Ужъёс 14-тӥ пӧсьтолэзёзь кутӥсько. Мылкыд карисьёслы ужъёссы 1-тӥ куарусёнозь берыктӥськыны быгато. Йылпумъянъёс элькун газетъёсын но «Шунды»-лэн сайтаз https://shundy.ru 23-тӥ пӧсьтолэзь бере печатламын луозы. Ужъёс кутӥсько таӵе адресъя: 426063, Ижкар, Орджоникидзе урам, 33а (Удмурт егитъёслэн мерлыко «Шунды» огазеяськонзы) яке электрон почта пыр troninaolga@yandex.ru. Вайыны луэ Эшъяськон юртэ (Ижкар, Орджоникидзе урам, 33а, 204 кабинет). Вань юанъёсъя вазиськыны быгатӥськоды таӵе телефонъя: 8 904 837 14 33, (3412) 63-10-44 (Тронина Ольга Алексеевна

положение