«Вуюись» семинар возьма тонэ!

Дышетскон семинарын тон быгатод:
— «ужбергатон», «PR-технологиос», «брендинг», «мерлыко ужъёс» ӧръёсъя тодон-валан басьтыны;
— проект ужен тодматскыны;
— тон кадь мыло-кыдо егитъёсын кусып тупатыны;
— удмурт егитъёслэн кичӧлтэмъёсынызы тодматскыны;
— Эктон коркаен вашкала сямен, нош Эктоникаен туала сямен эктыны;
— «Дебаты» шудонын мылкыддэ вераны;
— Элькунмылэн Тӧроезлы сюлэмшугъяськытӥсь юандэ сётыны!

Ужрад ортчоз 10-12-тӥ декабре «Дзержинец» лагерьын. Пыриськыны ӧтиськом:
— 9-11-тӥ клыссын дышетскисьёсты,
— 1-3-тӥ курсысь шор но вылӥ дышетсконниысь студентъёсты,
— Удмурт Элькунысь, Башкириысь, Татарстанысь, Марий Элысь, Пермь но Киров улосвылъёсысь мерлыко огазеяськонъёсысь азьветлӥсьёсты.

Ужрадэ пыриськон понна гожтэтъёс кутӥськозы 3 толсурозь таӵе адресъя: Ижкар, Орджоникидзе урам, 33а корка, 204 висъет («Шунды» огазеяськон) яке troninaolga@yandex.ru электрон почтая.

Положение по заявкаез быгатӥськоды учкыны татын: Положение