Та гужемез мон кема йырам возё на. Туэ нырысьсэ вуылӥ «Шундыкар» нимо удмурт лагере. Татчы шедён понна таланто удмурт нылпиос конкурс пыр потоно луизы. Отрядъёслэн ӧнерчиоссы (11 кузя) асьсэ ӧрзыя тужгес но устооссэ бырьизы. Куке мон тодӥ, «Журналистика» отрядэ шеди шуыса, мон сюлмаськыны кутски: мар мон каром, эшъёсы ке ӧз луэ? Мукетъёсыз пӧлын бездытгес адӟиськи ке? Али мон валасько ини вань тулкымъяськонэ токма вал шуыса, угось со омыр, со адямиос, со ужрадъёс, шудонъёс, пыраклы мынам сюлэмам кылёзы. Та дас нунал куспын 120 мурт одӥг бадӟым семьялы пӧрмиз. Кинлы ке секыт ке вал, ваньзы ог-огзылы юрттӥзы, буйгатӥзы, ушъязы. «Шундыкарын» мон трос выль кылъёсты тодӥ, малы ке шуоно татчы люкаськизы пӧртэм улосвылъёсысь пиналъёс: Удмуртия, Татарстан, Марий Эл, Башкирия. Соос вераськизы асьсэ кылъёсынызы, диалектъёсынызы, со туж тунсыко вал.
Котькуд нунал яркыт ортчиз, милям шутэтскыны дрымы но ӧй вал. Ӵукна зарядкаысен кутскылӥз, собере нуналлэн радлыкеныз милемыз тодматылӥзы. Ӵукнаысен нуназеось ми ӧнерчиосын тодон-валан басьтӥмы. Собере дасяськылӥмы ӝыт ужрадъёслы: пӧртэм номеръёс дасяны тыршимы. Котькуд нунал вожатойёс милемлы аспӧртэмлыко ужрадъёс ортчытылӥзы, нош собере – позыръяськон! Нунал йылпумъяськылӥз сюлмысь вераськонъёсын но гитарая кырӟанъёсын. Со вакыт лулам мур пыӵаз.
Котькуд отрядлэн вал аслаз ӧнерчиез но вожатоез. Милем шуд усиз ужаны сюлмо вожатоен Мария Емельноваен но ӧнерчиен Вероника Ваулинаен. Соос котьку но милемлы юрттӥзы, сюлмаськизы ми понна, вераллязы, кыӵе ми устоесь, озьы ик янгышъёсмес но тупатъяллязы. Маша ноку но мӧзмыны уг сёты вал, мукет вожатойёсын артэ тунсыко ужрадъёс дасялляз. Вероника Ваулина тележурналистикалэсь дуннезэ усьтӥз. Со дышетӥз, кызьы астэ камера азьын возёно, кызьы интервью басьтоно, блиц-опросъёсты, репортажёсты кылдытъяно. Котькуд нунал ми «ТабаNews» газетмес выльдылӥмы. Нош отчётной ужрадлы ми лэсьтӥмы «Шундыкар иворъёс» передачаез но «Экология», «ЗОЖ», «Тамак кыскон», «Телефонъёс сэрен курадӟон» темаосъя социальной роликъёс.
Мынам туж бадӟым тау шуэме потэ вань радъясьёслы, ӧнерчиослы, вожатойёслы но одно ик нылпиослы, кудъёсыз мыняменызы «Шундыкарез» эшшо но яркытгес каризы.
Та лагерь трос выльзэ, тунсыкозэ усьтэ котькуд нылпи понна, будэтэ быгатонлыкъёссэс. Оскисько, вуоно аре но «Шундыкар» усьтоз ӧсъёссэ нылпиослы. Эн кышкалэ мыло-кыдо луыны! Котьку мед пиштоз Шунды!
Лана Боброва
«Журналистика» отряд
Это лето запомнится мне надолго благодаря удмуртскому лагерю «Шундыкар».В этом году я побывала там впервые. В июне-июле проходил отбор в этот лагерь по конкурсу . Специалисты отрядов (всегда их было 11) выбирали самых талантливых ребят по своему направлению. Когда я узнала, что прошла в отряд тележурналистики, меня начали волновать мои мысли. Что, если у меня не будет друзей? Что, если у меня не получится наладить отношения в коллективе? Что, если остальные ребята будут гораздо активнее меня? Сейчас я понимаю, насколько мои мысли были ошибочны, ведь та атмосфера, те люби, те мероприятия, занятия, игры останутся в моем сердце навсегда. За те десять дней 120 ребят превратились в одну большую семью. Если кому-то было тяжело, все друг друга поддерживали, подбадривали и хвалили. В «Шундыкар»-е я узнала много нового, мой словарный запас удмуртского языка увеличился во много раз, так как в этом лагере были собраны ребята не только со всей Удмуртии, но и из других республик. Например, Татарстана и Марий Эл. Ребята разговаривали на своих языках и диалектах, и это было очень интересно.
Каждый день был насыщенным, у нас даже не хватало времени отдохнуть. Утро начиналось с зарядки, потом нас знакомили с распорядком дня. После завтрака все отряды шли на занятия. Они длились до часу дня. После обеда мы готовились к выступлениям. Выступали мы с художественными номерами. Вечером мы развлекались, вожатые проводили новые мероприятия, в которых мы активно принимали участие, а потом -дискотека! День заканчивался огоньками и песнями под гитару. Это было очень душевно. У каждого отряда был свой специалист и вожатый. Нам повезло с нашей доброй вожатой Марией Емельяновой и с нашим специалистом Вероникой Ваулиной. Они всегда поддерживали, переживали за нас, говорили, какие мы молодцы, ну и, конечно, исправляли наши ошибки. Маша никогда не давала нам скучать, вместе с другими вожатыми она готовила классные мероприятия. Вероника Ваулина научила нас азам тележурналистики. Благодаря ей мы поняли как вести себя перед камерой, как брать интервью , изучали терминологию, составляли блиц-опросы, писали репортажи, ежедневно обновляли нашу газету «ТабаNews» и ее рубрики. Так же мы готовились к отчетному концерту. Туда мы подготовили видео-новости из Шундыкара, назывались они «Шундыкар иворъес» и 4 социальных ролика на темы: «Экология», «ЗОЖ», «Телефонная зависимость», «Курение-вред».
Я хочу сказать огромное спасибо всем организаторам этого прекрасного лагеря, специалистам, вожатым, ну и, конечно же, всем ребятам, которые украсили «Шундыкар» своими улыбками.
Лагерь «Шундыкар» открывает много нового, интересного для каждого ребенка, раскрывает их таланты, открывает новые творческие возможности. Надеюсь, в следующем году лагерь вновь откроет свои двери и примет новых детей. Не бойтесь проявлять активность! Котьку мед пиштоз шунды!
Лана Боброва
«Журналистика» отряд