21-тӥ тулыспалэ пусйиське Анай кыллэн нуналыз. Тросэз та нунал шоры чиньыоссы пыр гинэ учко, вордскем кылэз гажамтэзэс возьмато. Нош мукетъёсыз кыӵе ке но ужрад ортчыто яке пырисько отчы. Озьы данъяны тыршо нуны дырысен анай йо:лын пыӵам кылзэс.

Туннэ удмурт егитъёслэн «Шунды» огазеяськонзы но «Инвожо» журнал ортчытӥзы «Вераськы анай кылын!» акция. Нуназеян вакытэ люкаськем егитъёс шоркарысь вылӥ дышетсконниосы вамыштӥзы. Озьы ог дас адями бызиз ИжГТУ пала, мукетъёсыз УдГУ но ИГМА доры, нош куинети:осыз вуизы ИжГСХА-е.  Нош татын ужзы пӧзиз ке пӧзиз ни, нокыӵе кезьыт куазь люкетыны ӧз быгаты.  Шундынылъёс но шундыпиос пумитазы сюрись калыкез ӟечкылазы Анай кыллэн нуналэныз но кузьмаллязы удмурт-ӟуч календарьёс.
Зэм, шумпотымон вал соиз но, азязы сюрись муртъёс удмурт кылэз тодо шуыса. Соос мылысь-кыдысь артэ султылӥзы, капчи мылкыдынызы люкаськемъёсты эшшо но бурдъязы. Нош кин ке дыртонъяз яке урод сямыз понна огшоры вӧзтӥзы ортчылӥз…
Люкаськем егитъёсты тросэз ушъяса кельтӥзы. Кин ке соку ик удмурт веранъёсты учкон-дышетон борды кутскиз. Тумошо но туж дуно вал кылыны соослэсь «Ӟечбуресь!»  удмурт кылэз.
Акция бере тросэзлэн кылиз капчи мылкыдыз. Люкаськем егитъёс калыкез но ӧжыт вырӟытӥзы, асьсэос но золгес данъяны кутскизы удмурт кылэз.
Эшъёс, вераськом анай кылын!

Туспуктэмъёсты татысь учкы  http://vkontakte.ru/album-1282238_128629612