28 оштолэзе ортчиз нырысетиез волейболъя «Питырес туп» чемпионат. Ужрадэз ортчытиз Удмурт егитъёслэн мерлыко «Шунды» огазеяськонзы. Отчы пыриськизы Ижкарысь выли но шор ёзо дышетсконниосысь УДМУРТ студентъёс. Ужрадлэн ужпумъёсыз: тазалык утенэз егитъёс полы волмытон, удмурт кылэз утен, «Шунды» огазеяськонэн тодматон, портэм дышетскон интыосысь студентъёсты эшъяськон кусыпъёсын герзан.
Командаослэн вал портэм нимъёссы, но одигез соос полысь тросэзлы тунсыко но валантэм потиз. «Ситтык-Олешка кышно» командаысь Антон Дектерев но Гриша Григорьев валэктӥзы, азьло малпало вал «Чурыт мульы» нимаськыны шуыса, но малпаськемзы бере «Ситтык-Олешка кышно» нимаськизы. «Со милям спонсормы!»- вераз Антон.
Котькуд ӵошатсконэ пыриськись командалэн вал асьсэлэн «висисьессы». Омырын вал эшъяськон, ог-огдэ гажан мылкыд. Туж умой дасям аптечка но кулэ оз луы шуыса — шуккиськытэк, яраостэк ортчиз. Ӵошатсконлэн пумаз вал лэсьтэмын йылпумъянъёс.
Вань командаос кузьымъёсын вал пусъемын. Нырысети инты понна кузьымъёс сяна сетизы на кубок, кудиз вуоно арын выль вормись кие выжоз.
Йылпумъянъёс:
1 инты- «Суро-Пожо»
2 инты – «ИжГТУ»
3 инты – «Шунды»
4 инты – «Ситтык-Олешка кышно»
Ольга Тронина, радъясь
Оглом пыриськиз 4 команда. Туж шумпотымон вал, кылсярысь, пырисьськиз ИжГТУ команда шуыса. Мон соослы синмаськыса копак быри туж усто, синмаськымон команда, жаляса верано кыкети интые кылизы. Ужрадэ пыриськизы портэм дышетсконниосысь студентъёс, ог-огенызы тодматскизы, эшъяськизы. Ог-огзы понна висизы ни но. Оглом, малпасько туж усто, пайдаё та ужрадмы ортчиз. Волейбол шудисьеслэн мылкыдзы туж умой кылиз бере, вераськонъёс мынизы ни баскетболэн, футболэн люкаськемъёс ортчытон сярысь – ми
Таче волейболэн шудонъёс табере котькуд ар ортчозы, та кубок вуоно вормисьес кие выжоз. Милям вань на бадӟым малпанмы — быдэс спартакиада ортчытыны. Таиз ужрад эскерон вал, яралоз-а, уз-а калыклы шуыса. Таиз ужрад пормиз бере, малпасько ми тае одно ик азьланьтыны кулэ.
Дмитрий Софронов, волейболэн шудӥсь
Ужрад туж тунсыко ортчиз. Шумпоттэ, удмуртъёс полын но сомында волейболэз яратӥсь но усто шудӥсь егитъес шуыса. Командаос туж золэсь люкаськизы, вал зэмос пӧсь вожвыллъяськон. Мон ачим шудӥ «Шунды» командаын. Жаляса верано, нырысетӥ интые ми ом потэ, но шумпотиськом чошатсконэ пыриським шуыса. Но шудон туж чебер вал, басьтӥ аслым бадӟым заряд!
Маша Золотарева