Шундыос Коми шаерын!

8-9 шуркынмонэ Коми шаерлэн шор караз ортчиз бадӟым форум – «Мы – россияне. Мелодия единства». Сыктывкар шумпотыса пумитаз та нуналъесы ог 200 пала куноосты пӧртэм улос-вылосъесысь. Люкаськем адямиос пӧлын вал пӧртэм калыкъёс: ӟучъёс, бигеръёс, поръес, коми но мукетъёсыз.

Удмурт элькунысь быдэс делегация вуылӥз та форуме. Ми пӧлын но пӧртэм егитъёслэн огазеяськонъесысь адямиос вал: немец, ӟуч, бигер. «Шунды» огазеяськонлэсь Коми шаере ветлӥзы огазеяськонлэн тӧроез Ольга Алексеевна Тронина но егит кырӟасьес Иван Белослудцев но Алина Антонова. Нырысетӥ нуналзэ форуме пыриськисьёс ортчытӥзы финн-угор этнографическойпаркын. Нырысь ик ортчиз открытие, кудаз лыдӟизы визьмо докладъёс. Бӧрысь пӧртэм мастер-классъёс радъямын вал. Кыл сярысь, милям делегацимы хантыослэн чумазы вуылӥзы. Соослы адӟытӥзы та калыклэсь улон интызэ, котырзэ но мукет. Бӧрысь ужазы котыресь ӝӧкъёс. Туж трос уж лэсьтэмын вал та нунал куспын, нош пумаз ортчытэмын вал этно-позыръяькон, кудаз егитъёс валче ял каризы, эктӥзы, кырӟазы, ог-огенызы тодматскизы. Кыкетӥ нунал шундыосмы понна тужгес ик сюлмаськытӥсез вал. 9-тӥ шуркынмонэ радъяськиз форумлэн гала-концертэз. Шумпотыса верано, Ваня но Алина быръён бӧрсьы кутэмын вал та ужрадэ.

Озьыен, быдэсак форум туж пайдаё ортчиз.

Алина АНТОНОВА

Добавить комментарий