Вахрушев Паша

«Шундыкарын» отрядъёс ӵукнаысен ик уж борды урыз-урыз кутӥсько: проектироварь каро, суредасько, кырӟало, сцена вылын шудо но мукетыз. Нош «Дӥськут дизайн» отряд зэмос ательеын сямен  вуриське. Та  отрядын 9 чебер но йӧно нылъёс тыршо. Пӧлазы одӥг пизы но ӧвӧл. Пиос пӧлын вуриськыны мылкыд карисьёс ичи ик шеде ук. Нылъёсын кивалтэ егит удмурт дизайнер Ксения Ворончихина. Лагерьын ньыль нунал куспын «Дӥськут дизайн» отряд уженыз туж азьлань кошкем ни: эскезъёс но выкройка лэсьтӥллям. Отрядлэн малпанэз туж тунсыко: «Шундыкар» смена пумын вурем дӥськутэнызы модая возьматон радъялозы. Ньыль удмурт шӧмо дэремъёс вуром  шуо. Эскизъёсты учкыча ик паймоно вуоно дэремъёслэн чеберзылы но аспӧртэмлыкоезлы. Али нылъёс ньыль группалы люкиськыса, дэремъёс вурон уж бордын тыршо. Оскисько, смена бырем бере удмурт дизайнын выль нимъёс одно ик шараяськозы шуыса.