Нырысь ик мылкыдмес жутон понна портэм типо музыкая эктим: ламбада, джаз, удмурт гур, «енька»… Нош мукет конкурсэ куризы отрядысь быдэн одӥг пыриськись.Та конкурсын тодмо луиз кин самой шаплы бызьылэ. Сыӵе радэ потӥз «Куро мунё» отрядысь Катя Иванова, угось со кык конкурсын вуиз нырысетӥ: ваиз йырси кутон резинка но пыдкутчан.
Та конкурслэсь вал тунсыкогес куиньметӥез. Потыны куризы нош ик быдэн одӥг адямиез котькуд отрядысь. Таосыз туж шулдыр кырӟан кырӟазы, но кырӟаны чик но капчи ой вал, угось соослэн ваньзылэн ымъёссы кампетэн тырмытъямын вал. Озьы ик туж тунсыко вал шаръёсын ожмаськон. Шудонэ пыриськисьёслы каллен гур улсын эктыкузы висказы пачкатэм шаръёсты пильылытэк кулэ вал, нош кыкетӥяз наоборот кин чырткемгес пыд улысьтыз шарез китэк тубытыса пилёз, со ик вормись луоз. Нош вормись парлы — ческыт кампет.
Конкурс бере эшшо но мыло-кыдо эктыса, ми мынӥмы сиськонниамы ческыт кефирен шаньги сиыны. Тӥни сыче тунсыко ортчиз «Стартинмы».
«Журналистика» отрядысь корреспондент Любовь Михайлова.
