Шарыпова Анна

10 нунал ӵоже котькуд отряд аслыз шундон люказ. Шундон- со пӧртэм ужрадъёсы пыриськем понна уксё. Берпум нуналаз котькуд отрядысь нылпилэн 100-лэсь уно шундонъёсыз люкамын вал ни. Озьы ке но висъяськизы «проектироваеие» но «журналистика» отрядъёс, угось соос ваньзылэсь трос шундон бичаны быгатӥзы. Бичам шундонэз будэтыны луэ вал ужаса. Но нырысь ик, со понна лэсьтоно вал ужан кагаз, ортчоно медосмотр, МВД-ысь справка кутоно на. Ваньмыз бадӟым улонын кадь. Озьыен, шундонзэс будэтэмлэсь азьло нылпиослы сылоно луиз куинь туж кузь черодын. Тросэзлэн отын сылыса ик вань висъям дырзы быриз, кисыязы коньдонзы ӧз буды. Тазьы уж утчамзы бере ортчытӥськиз на шунды аукцион. Тани нырысетӥ лот! «Шунды» огазеяськон логотипен кружка. Со вузаськиз 200 шундонэн. Самой дуноосыз вал на: Ольга Трониланэн «Йыромем Йыртэмась» бичетэз, Ullapala Boy-лэсь кырӟан, Silent Woo Goore группалэсь  диск, тӧролэсь массаж но мукет. Тросэзлы та аукцион ӧз яра,туж  бадӟым дун кин но со пуктэ пе,  кытысь люкаллям сомында…озьыен тросэз уксёсы тырмымтэен номыртэк кылизы. Нылпиос ӝожтӥськиза на: «быдэс сменазэ трос шундон люкан тыршим , малпамы вал «шунды» эмблемаен футболкаос луозы шуыса, яке мукет синнпель кузьым. Соос вал но, туж ӧжыт. Ӧз яра мыным.»

Малпасько, тырмымтэос вал ке но, тросэзлэн нылпиослэн мылкыдзы ӧз куашка. Собере кыл но вӧлмиз-кинлэн уксёез  кылиз, соослы нош аукцион ортчоз на, пе.