Пресс-релиз Обучающего семинара «Вуюись» для руководителей районных отделений УМОО «Шунды»

В целях создания условий для активизации деятельности районных отделений организации, способствования обмену опытом между лидерами районных ячеек Удмуртская молодежная общественная организация «Шунды» 11 декабря проводит Обучающий семинар «Вуюись» («Радуга»).
Третий, заключительный семинар в 2013 году, соберет руководителей районных отделений, а также активистов организации. В ходе предыдущих встреч лидеры отделений научились оформлять заявки на летние и зимние программы Министерства по делам молодежи, прошли мастер-класс «Эффективные методы публичного выступления», встретились с Президентом МОО «Всеудмуртская ассоциация «Удмурт Кенеш» — И. Н. Семеновым. Также участвовали в тренинге «Команда: образование и управление. Роль лидера в общественной организации», разрабатывали стратегию УМОО «Шунды» на ближайшие 5 лет.
В программе заключительного семинара отчет Председателя Правления УМОО «Шунды» о деятельности организации в 2013 году, презентационная площадка: «Мероприятия УМОО «Шунды» в районах: успешные практики», работа по группам: «Планирование деятельности УМОО «Шунды» в 2014 году».
По вопросам обращаться по телефону 8 904 837 14 33 (Тронина Ольга Алексеевна).

 
Ёрос ёзэтъёслэсь ужзэс бугыртон понна, ёросысь азьветлӥсьёслы кенешон площадка кылдытон понна Удмурт егитъёслэн мерлыко «Шунды» огазеяськонзы 11-тӥ толсуре «Вуюись» семинар ортчытэ.
Куинетӥез, 2013-тӥ ар понна берпуметӥез семинар ёрос ёзэтъёслэсь кивалтӥсьёссэ но «Шунды»-ысь мылкыдчиоссэ люкалоз. Кык пумиськон ӵоже азьветлӥсьёс Егитъёсын ужанъя министерстволэн гужем но тол программаосызлы шонер заявкаос дасяны, адямиос азьын чебер вераськыны дышетскизы, «Удмурт кенеш» огазеяськонлэн Президентэныз И. Н. Семеновен пумиськизы. Со сяна, «Команда: кылдытон но кивалтон, мер огазеяськонын азьветлӥсьлэн интыез» тренинге пыриськизы, «Шунды»-лэн азьлань сюресэз пумысен малпаськизы.
Берпуметӥ семинарлэн программаяз 2013-тӥ ар куспын «Шунды»-лэн ужамез сярысь огазеяськонлэн тӧроезлэн веранэз, ёросъёсын тужгес усто ортчем ужрадъёс пумысен кенешон, вуоно арлы ужрадъёсты чаклан.
Юанъёсъя вазиськыны луэ 8 904 837 14 33 (Тронина Ольга Алексеевна) телефонъя.

ЮНМАТӤСЬКО
Удмурт егитъёслэн мерлыко «Шунды» огазеяськонзылэн правлениезлэн тӧроез

____________ О.А. Тронина
«___» _____________ 2013 ар

Егит азьветлӥсьёслэн «Вамыш»
элькун дышетскон сменазылы положение

Лагере пыриськисьёслэсь быгатонлыкъёссэс азинтон, кар улонлы дышетон, удмурт егитъёслы азинскыны луонлыкъёс кылдытон мугъёсъя Удмурт егитъёслэн мерлыко «Шунды» огазеяськонзы Егитъёсын ужанъя министерство, Йӧскалык политикая министерство, Эшъяськон юрт юрттэмен 02-06-тӥ толошоре 2014-тӥ арын ортчыто Егит азьветлӥсьёслы сӥзем «Вамыш» элькун дышетскон сменаез.

Радъясез:
· Удмурт егитъёслэн мерлыко «Шунды» огазеяськонзы.

Лагерьлэн целез но ужпумъёсыз:
· удмурт егитъёсты кар улонлы дышетон;
· удмурт егитъёслы азинскыны луонлыкъёс кылдытон;
· лагере пыриськисьёслэсь инновационной удысын емышъёссэс вӧлмытон но азинтон;
· удмурт егитъёслэн шонер асдунъетсы мед луоз шуыса, азьветлӥсь сямъёссэс азинтон вылысь пумиськонъёс, семинаръёс, кенешонъёс, мастер-классъёс, ӵошатсконъёс радъян;
· шутэтскон дырез пайдаё но шонер ортчытон;
· «Шунды» огазеяськонлэн уженыз тодматон, выль ёзчиосты ужаз кыскон.

Пыриськисьёс: Проектэ быгато пыриськыны удмурт кылын вераськись егитъёс:
— 8-тӥ-11-тӥ классъёсын дышетскисьёс;
— шор но вылӥ дышетсконниосысь 1-тӥ-3-тӥ курсъёсын очно амалэн дышетскись студентъёс.
Оглом лыдзы – 75 адями.

Лагерь сменалэн ортчытон дырыз но интыез: 02-06-тӥ толошоре, «Дзержинец» лагерь.

Пыриськон луонлыкъёс:
Лагерь сменае пыриськон понна 25-тӥ толсурозь кулэ келяны куриськон гожтэт (учконо Ватсэт 1) troninaolga@yandex.ru электрон почтае.
Лагере шедемъёслы 27-тӥ толсурозь куриськон гожтэтын сётэм электрон почтаязы ӧтён гожтэт вуоз.

Сменалэн пуштросэз:
1. Программалэн инъетаз – актёр мастерствоя школа, со ортчытэмын луоз лагере пыриськисьёслэсь быгатонлыкъёссэс азинтон вылысь (актёр мастерстволы, сцена вылын вераськонлы, грим лэсьтонлы, пластикая, хореографияя, вокалъя дышетскон).
2. Психологен ужан: психологической шудонъёс, шуг-секытъёсыз пырпотонъя упражнениос, ролевой шудонъёс, астэ возьматонъя но калык азьын вераськонъя тренингъёс.
3. Шутэтскон программае пыро удмурт егит азьветлӥсьёсын пумиськонъёс, анай кылын спортъя шудонъёс но ӵошатсконъёс, мукет ужрадъёс.

Уксё ужпумъёс: Лагерез радъян но ортчытон понна уксё висъяло Егитъёсын ужанъя министерство но Удмурт егитъёслэн мерлыко «Шунды» огазеяськонзы. Лагерез радъян понна тырон – 500 (Вить сю) манет.
Герӟетъёс:
· (3412) 63-10-44, 8 904 837 14 33 — Тронина Ольга Алексеевна, Удмурт егитъёслэн мерлыко «Шунды» огазеяськонзылэн правлениезлэн тӧроез, Эшъяськон юртысь калыккуспо но финн-угор ёзэтлэн методистэз.

УТВЕРЖДАЮ
Председатель Правления УМОО «Шунды»

____________ О.А. Тронина
«___» _____________ 2013 г.

Положение о проведении Республиканской образовательной смены молодых активистов «Вамыш» («Шаг»)

В целях адаптации молодых удмуртов к городской среде путем личностного развития участников лагеря, создания условий для развития деловой и творческой активности удмуртской молодежи, организации активного, познавательного отдыха Удмуртская молодежная общественная организация «Шунды» при поддержке Министерства по делам молодежи Удмуртской Республики, Министерства национальной политики Удмуртской Республики, БУ УР «Дом Дружбы народов» 02-06 января 2014 г. проводит Республиканскую образовательную смену молодых активистов «Вамыш» («Шаг»).

Организатор:
· Удмуртская молодежная общественная организация «Шунды».

Цели и задачи лагерной смены:
· адаптация молодых удмуртов к городской среде путем личностного развития участников лагеря;
· создание условий для развития деловой и творческой активности удмуртской молодежи;
· продвижение результатов инновационной деятельности участников лагеря;
· организация встреч, семинаров, дискуссий, мастер-классов, культурно-просветительских и спортивно-массовых мероприятий, в ходе которых у молодежи формируется адекватная самооценка, ориентация на активную жизненную позицию, воспитание лидерских качеств;
· организация активного, познавательного отдыха.

Участники: К участию в образовательном проекте приглашаются молодые люди, владеющие удмуртским языком:
— старшеклассники 8-11-х классов;
— студенты 1-3-х курсов высших и средних специальных учебных заведений очного отделения.
Количество участников – 75 человек.

Дата и место проведения лагерной смены: 02-06 января 2014 г., ГУ ЛОК «Дзержинец» (УР, Якшур-Бодьинский тракт, 9 км.).

Условия участия:
Для участия в образовательной смене необходимо в срок до 25 декабря 2013 года направить заполненную заявку (Приложение 1) по следующему электронному адресу: troninaolga@yandex.ru.
Претенденты, вошедшие в состав участников, в срок до 27 декабря 2013 года оповещаются информационным письмом на указанный в заявке электронный адрес.
Содержание смены:
1. В основе программы – школа актерского мастерства, которая ориентирована на личностное развитие участников лагеря (занятия по актерскому мастерству, сценической речи, пластике, хореографии, гриму, вокалу).
2. Работа с психологом, включающая психологические игры и упражнения на выход из стрессовых ситуаций, ролевые игры на личностное развитие участников, тренинги по самопрезентации и выступлению перед аудиторией.
3. Досуговая программа включает проведение КТД, встреч с молодыми удмуртскими активистами, культурно-развлекательных мероприятий, спортивных игр и соревнований на родном языке.

Финансирование: Расходы по организации и проведению лагерной смены осуществляются из средств организаторов – Удмуртской молодежной общественной организации «Шунды», Министерства по делам молодежи УР, организационного взноса участников.
Организационный взнос участников составляет 500 (Пятьсот) рублей.

Контакты:
· (3412) 63-10-44, 8 904 837 14 33 — Тронина Ольга Алексеевна, Председатель Правления УМОО «Шунды», методист отдела международного и финно-угорского отдела БУ УР «Дом Дружбы народов».

prilozhenie_1 (1)

vamysh_2014 (1)

Артем Малых

Туала удмурт дуннеын удмурт культураез но идентитэтэз утись-возись институтъёслэсь функциоссэ удмурт мер но культура огазеяськонъёс быдэсто. Вакчияк вераса, удмурт мер − со та институтъёс вискын интыяськем мар ке. Асьсэдыз удмуртэн лыдъясь но асваланзэс утись удмуртъёс та удмурт институтъёслэсь кыдёкын улэменызы, соослэн «вӧтэсазы» уг шедё ни ке, удмурт мерлэн ог люкетэз луэмысь дугдо ни, солэсь палэнын кылё. Удмурт мерлэн кема улонэзлы инъет на институтъёслэн арысь-аре вылдӥськемзы, кема аръёс ӵоже возиськемзы. Удмурт дуннелэн институтъёсыз пӧлысь мер огазеяськонъёс тужгес но кулэ луись инты басьто. Культура огазеяськонъёсын но институтъёсын ӵошатоно ке, мер огазеяськонъёслэн ужан удыссы паськытгес но, оглом, миссизы но. Соос быдэс удмурт мерез возьмато но вань удмурт калык понна сюлмасько. Удмурт мер огазеяськонъёс – со удмурт политикалэн валтӥсь институтъёсыз. Туала дыре, куке Удмурт Элькун удмуртан политикаез уг нуы, вань секыт удмуртан но удмуртлыкез возён уж удмурт мер огазеяськонъёс вылэ усе. Али асьмелэн кык бадӟым удмурт мер огазеяськонмы вань – «Удмурт Кенеш» но «Шунды». «Шунды» – удмурт егитъёслэн валтӥсь огазеяськонзы. «Шунды» – со удмурт калыклэн вуоноезлэн инъетэз, дӥньыз, малы ке шуоно солэн ёзчиосыз 10-15 ар улыса выль удмурт кивалтӥсьёс но азьветлӥсьёс луозы. «Шунды» азьын туж бадӟым но кылкутӥсь ужпум сылэ – вань удмурт егитлыкез возьматыны, солэсь малпанъёссэ-медонъёссэ утьыны, солэсь потенциалзэ уже кутыны но идеологи ласянь ӧръяны. «Шунды» аслэсьтыз ужзэ туж секыт вакытэ нуэ, куке нимлыко удмурт институтъёс кризис калэ вуэмын, культура но мер ужлэн форматъёсыз воштӥсько, Россиысь но Удмуртиысь оглом ӧжыт адями мер уже пыриське. Сыӵе югдуре «Шунды» нуналмысь нуналэ вань удмурт егитъёс понна тырше: гуртысьёсыз но карысьёсыз понна, тып-тыпъёсыз но ӟучомемъёсыз понна. «Шундылэн» ужез данъямон: «Шунды» мукетъёсыныз вунэтэм-аналтэм, палэнэ кельтэм удысъёсын сӧзнэто уж нуэ. Шуом, нокин но гуртысь удмурт егитъёсын нимысьтыз уг выры, озьы ик егит семьяосын но. Туала коштан егитъёс, шунды пуксён культура шоры учкисьёс та ужез кулэтэмен лыдъяло ке но, та ужтэк удмурт мермы туж лябомысал. Маин-о «Шунды» азинэсгес луыны кулэ? «Шундылы» валаны кулэ, со удмурт егитъёс понна гинэ ӧвӧл, вань удмурт калык понна кыл кутэ, малы ке шуоно алиала «Шундые» пыриськисьёс 10-15 ар улыса арлыдо удмурт мерлэн езчиосыз луозы. Нош та адямиослэн удмуртлык ласянь малпанъёссы но эсэпъёссы али ик кабъясько, шонер удмурт учкетъёс виразы али пыӵалозы ке, соку асьме мермылэн вуоноез луоз на. Та истори миссизэ валаса, «Шунды» вань удмурт егитъёслы шуыса инкуазь (среда), эффекто мер лифт но ужпадӟа (карьера) лаборатори кылдытыны кулэ. 10 ар улыса удмурт мер азьын кадръёслэн воштиськонзылэн ужпумез ӝутӥськоз. Али удмуртъёс Элькунысь кивалтонын чиньыен лыдъямон, соин ик удмуртъёслэн позицизы но укыр лябыт. Та югдурез воштон вылысь трос выль вожвылъяськымон, культура но дышетон удысын сяна, политикаын, бизнесын но промышленностьын азинэс ужаны быгатӥсь адямиосты будэтыны кулэ. Та ужпум – «Шундылэн» ужез. Таланто удмурт егитъёс «Шундылэсь» медам палэнске шуыса, удмурт егитъёслы пӧртэм пумо луонлыкъёс кылдытыны кулэ. Соку гинэ тросгес адями, та пыриськемезлэсь пайдазэ валаса, «Шундылэн» ужаз пыриськоз. Кылсярысь, али егит социологлы яке суредасьлы «Шундыын» нокыӵе нимаз уж ӧвӧл – мын Можгала, удмурт дискотека ортчыты. Нош профессиез ласянь со солы нокыӵе пайда но уг сёт. Шонер луысал, «Шундыын» та выллем луонлыкъёс пӧртэм удысъёсын тунсыкъяськись удмурт егитъёслы кылдытэмын луысалзы ке. «Шунды» котькуд таланто но амбициё удмурт адямилэн лабораториез но школаез мед луысал вылэм. Вань удмуртъёс сыӵе школа пыр потысалзы ке, удмурт мермы кык поллы юнгес луысал. Сӥзисько «Шундымылы» выль вормонъёс но азинскон!

Пахомова Марина

Мне молодость

Свою не жаль-

Ее поэты не хранят.

В нее, как мотыльки,

Стихи свои плодят.

А сами отлетают,

Отлетают,

Вдаль.

23-тӥ коньывуонэ Дэри ёросысь Изгуртын ортчиз Эрик Батуев нимо премиез сётон. Та ужрад 9-тӥзэ ортче ини. Туэ милемлы, Удмурт кылосбур факультетын дышетскисьёслы, «Шундые» пыриськисьёслы шуд усиз отчы вуылыны. Кызьы ортчиз та ужрад но кыӵе малпанъёсын бертӥмы ми?

Калык эшъяськон юрт дорын автобус возьма ни вал, куке ми 6 кузя юлтошъёс капчи мылкыдын вуимы. Автобусысен пичияк «перекличка» ортчиз.

— Шундыос татын-а?

— Татын!-шулдырак вазим.

Автобус ширтӥз Изгуртэ. Калыкез ӧжыт ик ӧйвал: «Ӟечбур», «Удмурт дунне» газетъёсысь корреспондентъёс, Дэри ёросысь дано адямиос, Вера Григорьевна Пантелеева- филологи наукаосъя кандидат, «Удмурт кенеш» огазеяськонлэн асмуртъёсыз.

Туж шунытэн пумитамзы бере, интыяськимы залэ. Котырак стендъёс, Эрик Батуевлэн туспуктэмъёсыз, кылбур чуръёсыз. Эрик сярысь вераку ӝожомиськиз. Ваньмы тодӥськомы, со быдӟа таланто адямилэн улонэз туж вазь тӥяськиз, нош кӧня малпанъёсыз, пуктэм ужъёсыз куспетӥ луизы. Анаезлы, Анна Филипповналы, кыл сётэм бере зал чалмиз. Шӧдӥське вал, солы секыт яратоно пиез сярысь мадьыны, анай сюлэмысь яра уг бурмы. Нылпиез ыштон…Вань меда секытэзгес кайгу? Валерий сярысь трос шуныт кылъёс веразы.

Дыр вуиз Эрик Батуев нимо премиез утисез шараяныны. Та премия Завьял ёросысь «Удмурт кенеш» огазеяськонэн кылдытэмын 2005-тӥ арын. Котькуд ар тужгес быгатӥсь, тыршись муртъёс утыны быгато сое. Туэ дано ним сётэмын Григорьева Римма Тимофеевналы, со трос тырше ни ёрос азинскон понна, одӥгез бадӟым вормон — «Край мой Завьяловский» нимо книгаез поттон. Римма Тимофеевна-адӟем карымон адями!

Тани кыл сётӥзы «Шундыослы». Бурдъяськыса потӥмы. Мон но Марина Дозорова кылбуръёсмес лыдӟимы, нош Влада Митрофанова ужъёсызлы ачиз ик крезьгур малпа. Со гитараен кырӟанзэ быдэстӥз. Пӧсь кичабонъёсын келязы милемыз. Чебер кырӟанъёсын ужрад йылпумъяськиз.

Вань люкаськемъёсты пӧсь чаен перепечен, шаньгиен куноязы. Милям егит сюлэмъёсмы чылкак лӧптылӥзы УК! Та шуныт интыысь кошкем ик уг пот вал. Чагыр ӝӧккышет, горд палэзь ӟускиос, зарни кызьпу куар, лякыт калык… Но автобус возьма.

Котькудӥз аслаз малпанъёсыныз ширтимы Ижкаре. Автобусысен эшъёсылэсь юай, кельшиз-а соослы. Ӝуась синъёсын мыным вазизы: «Бен! О-О!»

Улон но кулон, анай-атайдэ, котькуд нуналдэ дунъяны быгатон. Тани малы дышето Эрик Батуевлэн ужъёсыз. Киосам чагыр буклет. Отын Эрик Батуевлэн туспуктэмез. Со инбамысен малпаськись тусо учке кадь. Нош вылӥяз чуръёс «Ог-огмес валаса уломе. Давайте понимать друг-друга»

Ог-огмес валаса уломе!

Удмурт егитъёслэн мерлыко «Шунды» огазеяськонзы  «Куарагур» («куара» — звук, «гур»- мелодия, «куарагур» — мелодика) проектлэн кутскемез сярысь ивортэ.

Проект егит удмурт гожъяськисьёсты, композиторъёсты но кырӟасьёсты шараян но азьланяз юрттэт сётон понна кылдытэмын. Проектэ 16-30 аресъем удмурт кылын вераськись муртъёс пыриськыны быгатозы.

«Куарагур» 5 толэзь куспын кыстӥськоз – 2013-тӥ арлэн шуркынмонысеныз 2014-тӥ арлэн южтолэзёзяз. Проект улсын егит удмурт гожъяськисьёс, композиторъёс но кырӟасьёс огъя продукт кылдытозы – удмурт кылын выль кырӟан. Азьланяз малпамын 10 тужгес но усто кырӟанъёсты студиын гожтон, элькунысь 5 ёросъёсын  концертъёс пуктон.  Йылпумъясь гала-концерт Ижкарын ортчоз. Отын ик вормисьёслэн нимъёссы шараямын луозы. Тужгес но усто гожъяськись кылбуръёсыныз бичет поттыны быгатоз, нош кырӟась – клип гожтыны.

Проектэз радъясьёс оско, «Куарагурез» улонэ пыӵатон улсын, удмурт эстрада тунсыко амалэн гожтэм кырӟанъёсын но выль нимъёсын узырмоз шуыса. 

Юанъёсын вазиськыны луэ Тронина Ольга Алексеевналы (8 904 837 14 33,              (3412) 63-10-44)

          Эгра ёрос, Сеп гурт. «Шунды» огазеяськон нырысьсэ радъяз ужась егитъёс понна элькун турслёт!

Турполоса, ог-оген тодматскон, удмурт кылын туристической кырӟанъёс, бивуакъёсты чеберманъя ӵошатскон, канатэз золъян, тупез ӵыжан, эктонъёс но пӧсь ӝук — ваньмыз та  «Юр-ярын!» гинэ вал!