ЧЫЛКЫТ ПОКЧИАРНЯ — ЧЫЛКЫТ КЕЧ ПАРК!
21-тӥ оштолэзе Удмурт егитъёслэн мерлыко «Шунды» огазеяськонзы туж шулдыр мылкыдын потӥз «ЧЫЛКЫТ ПОКЧИАРНЯ — ЧЫЛКЫТ КЕЧ ПАРК» утялскон акцие. Огазеяськонлэн тужгес но етӥз азьветлӥсьёсыз, кузебай Герд нимо Удмурт кун гимназиысь дышетскисьёс но нырысетӥ удмурт егитъёслы комедилэн продюсерез Петр Палган Кеч паркез утялтӥзы. Интыез токма шорысь гинэ быръемын ӧй вал, малы ке шуоно та парк Ижкарысь тужгес но «удмурт» инты луэ.
Таӵе ужрад кыкетӥ арзэ ортче ни. Кылем арын но «Шунды»-лэн ёзчиосыз Умой ужъёс лэсьтонъя арня улсын татчы жуг-жаг октыны ветлӥзы. Таӵе ужрадъёс эшшо Ижкарысь пӧртэм «удмурт» интыосын ортчытӥськозы на.
Тросгес туспуктэмъёс татын — http://vkontakte.ru/album-1282238_133070857

21-тӥ оштолэзе 17 часэ Кеч паркын Удмурт егитъёслэн мерлыко «Шунды» огазеяськонзы «ЧЫЛКЫТ ПОКЧИАРНЯ — ЧЫЛКЫТ КЕЧ ПАРК» утялтскон акцизэ кутскоз. Та ужрад ортчоз Умой ужъёс лэсьтонъя арня улсын, кудӥз ортче 16-23-тӥ оштолэзе.
Ӧтиськом та парк вӧзын улӥсьёсты но вань мылкыд карисьёсты, киязы чиньыё пӧзь (перчатки) дӥсяса, задор мылкыдын та акцие пыриськыны.
Кеч парк но мед чылкыт луоз, татын но «Шунды» мед пиштоз!

Удмурт егитъёслэн мерлыко «Шунды» 2011-ти арын посьтолэзе «Шундыкар» лагерез радъяло.Конкурсэ пыриськыны отиськом 5-11-ти классъёсын дышетсксиьёсыз, Удмурт егитъёслэн мерлыко «Шунды» огазеяськонлэсь ёзчиоссэ, кудъёсыз верасько удмурт кылын но кудъёсыз тунсыкъясько но возьматизы быгатонлыкъёссэс творчество удысын.
Условиос: Конкурс ортче таче удысъёсъя: суредаськон, архитектура, литература (бадзым но покчи), крезьгур (фольклор но эстрада), театр, информационной технологиос журналистикаын, керамика, куро, дизайн.

• «Шундыкар-2011» конкурсэ пыриськисьлэн гожтэтэз (письмо-резюме)
  
• Скачать положение
  

Удмуртская молодёжная общественная организация «Шунды» в июле 2011 года проводит очередной творческий лагерь «Шундыкар». Приглашаем принять участие в конкурсе учащихся 5-11 классов средних школ, членов УМОО «Шунды», владеющих удмуртским языком, проявивших устойчивый интерес и способности к творческой деятельности. Условия: Конкурс проводится по следующим направлениям: изобразительное искусств, архитектура, литература (старшие и младшие), музыка (фольклор и эстрада), театр, информационные технологии в журналистике, народные ремёсла (керамика, соломка), дизайн.

Скачать условия конкурса «Шундыкар-2011»

Та юан, зэмзэ, малпаськонэ уськытэ. Одӥгез гинэ удмурт пиналъёслы сӥзем лагерь арысь аре вакчиёме, Элькунысь ӧжыт коньдон сётэмен сэрен. 18 ар улыса, Шундыкар, зэмзэ, возьматэ йӧно емышъёссэ: ог 1000 адями, та лагерь пыр потыса, шедьтӥз улонын ас сюрессэ. Политикъёс, суредаськисьёс, журналистъёс, кырӟасьёс, гожъяськисьёс, кылбурчиос, киужъёсъя вырисьёс – шедьтизы ас ӧрзэс. Котькудӥзлы тодмо луо та Шундыкарен герӟаськем нимъёс: Татьяна Ишматова, Анатолий Эркишев, Вера Степанова, Григорий Степанов, Александр Катков, Людмила Чернова, Анатолий Галиханов, Марина Галичанина, Костя Никитин, Елена Никитина, Алена Петрова Дарали Лели, Дмитрий Корепанов, Надя Николаева, Любовь Киселева, Светлана Ручкина, Эльвира Панченко, Лиза Шишкина, Юля Никитина но трос мукетъёсыз.
Паймыса тодӥм туэ «Шундыкар» лагерьлы коньдон висъян сярысь йылпумъянъёсты. Егитъёсын ужанъя министерство висъя 5 нуналлы 142 пиналъёслы коньдон!!! Таӵеез ӧй вал на! Вераськонъёс бере министерство соглаш луиз висъяны коньдон 8 нуналлы, НО табере 87 адямилы! Тунсыко! Озьы ке но оскиськом, Дышетонъя но наукая министерство, Йӧскалык политикая министерство юрттэт сётыны быгытозы шуыса.
Та юан ик пуктэмын вал «Шунды» огазеяськонлэн кенешоназ (6 оштолэзе), кудаз пыриськизы Шундыкар ӧнерчиос: В.Н. Морозов, П.М. Захаров, С.М. Кибардина, К.Ш. Галиханов, Н.С. Тарасова, В.С. Ушаков, А.П. Степанов, В.А. Степанова. Кенешонын огкылэ вуизы, 27 оштолэзе «Удмурт кенеш» огазеяськонлэн дасям ужрадаз – пичи Кенешын – одно ик та юанэз ӝутыны. Кызьы вераз «Удмур кенеш» огазеяськонлэн вице-президентэз Т.В. Ишматова, Пичи Кенеш сӥземын луоз удмурт огазеськонъёслэн но Егитъёсын ужанъя министерствоен ваче ужамзылы. Озьы ик кенешонын юнматэмын лагерьлэн огъя программаез, отрядъёсъя конкурслы куронъёс.
Оскон вань, Шундыкар улоз, тросэзлы адямиослы сыӵе ик паськыт сюрес азьлане усьтыны быгатоз шуыса…

«Радуга дружбы» — таӵе нимын ужрад радъяськиз 2-тӥ оштолэзе Вавож черкогуртын. Отчы вуылыны шуд усиз Лена Рябиналы но Лиана Зайцевалы. Туж паймиллям соос вавожъёслэн капчи мылкыдзылы но куно каремзылы. Пӧсь чаен, ческыт пыжиськемен, шулдыр удмурт кырӟанъёсын но эктонъёсын пумитазы. Бергес Элькунысьтымы пӧртэм огазеяськонъёсысь егитъёс тунсыко адӟытонъёс дасязы. Удмуртъёслэн ӝӧк вылазы кыллизы «Шунды» огазеяськонмы сярысь пичияк буклетъёс, закладкаос, удмурт но финн-угор кылъёсын газет-журналъёс, куролэсь, горд сюйлэсь но чильпам ужъёс. Вавож калык ас сюлмаськонзэ шараяз, будӥсь пиналъёссы удмурт кылынымы уг верасько шуыса. Но малы ке Лена сое ӧвӧл шӧдэм: тросэз анай кылмес тодо шуыса потэм солы.
Адӟытон бере Сарапулысь дышетскисьёс туж тунсыко, паймымон концерт пуктӥзы. Пӧртэм номеръёс возьматӥзы «Вуюись», «Видергебурт», «Веселуха», «Коми нурлары», «Чолман йук», «Белые росы», «Горенка», «Раздолье» но мукет ансамбльёс, «Одлар Юрду» но «Иман» огазеяськонысь егитъёс. Чузъяськизы кырӟанъёс удмурт, ӟуч, бигер, пор, армян, немец, еврей кылъёсын (шундынылъёслы тужгес но удмурт нылашлэн, Сарапулысь Таня Окороковалэн, кырӟамез кельшем. Куараез но туж паймымон, кылъёсыз но сюлме пыӵасесь). Возьматэмын вал казакъёслэн, азербайджанъёслэн, украинецъёслэн, бигеръёслэн, поръёслэн, грекъёслэн, немецъёслэн, армянъёслэн, еврейёслэн но, валамон ини, ӟучъёслэн но удмуртъёслэн костюмъёссы. Зэмзэ но, эшъяськон вуюись. Ужрад, кудӥз котыраз сомында пӧртэм калыкъёсыз люказ!
Нош концерт бере вакчияк пресс-конференция вал на. Татын котькуд огазеяськонысь егитъёс быгатӥзы сётыны юанъёссэс Л. Н. Бурановалы, О. В. Царегородцевалы, А. В. Шуклинлы, Вавожысь но Сарапулысь кивалтисьёслы. Кар но ёросъёс вискысь герӟетъёс сярысь трос юанъёс эскеремын вал.

18 южтолэзе Эшъяськон юртын ортчиз «Шунды» огазеяськонлэн ёрос кивалтӥсьёслы но огазеяськонэ пыриськисьёслы сӥзем семинар. Проект «Вуюись» ужаны кутскиз 2010 арын. Таяз арын семинар нырысетӥез вал но, зэмзэ, возьматӥз аслэсьтыз кулэлыксэ. Читать далее →

16 южтолэзе Вотка карын ортчиз научно-практической конференция «Удмуртские музыкальные традиционные инструменты. Перспективы развития», кудӥз сӥземын вал «САЙКАН» ансамбльлэн 10 ар тырмонэзлы. «Шунды» огазеяськонлэн но тӧроез Юля Никитина, Вотка карысь но ёросысь «Шунды» огазеяськонлэн кивалтӥсез Дмитрий Черыгов но солэн юрттӥсьесыз мыло-кыдо пыриськизы ужрадэ.

Тунсыкъяськисьёс трос вал (тужгес но егитъёс) – быдэс актовый зал П.И. Чайковский нимо Вотка карысь педагогический колледжысь. Калык инструментлэсь – крезьлэсь – кулэлыксэ котькуд вераськиз шараяз. Тужгес но яркыт та пумысен вераськиз «САЙКАН» ансамблен кивалтӥсь, крезь лэстонъя усточи С.С. Трофимов: «Крезь – выжыосмес гажан, азинтыны крезь гурез одно тыршоно!». «Крезь быгатэ но кулэ луыны Удмурт шаерлэн, удмурт калыклэн визитной карточка, яке бренд» — озьы малпа одигез вераськись – Удмурт Элькунысь Общественной палаталэн воштӥсез – А.П. Сидорова.

Шумпотымон, конференциын чылкыт удмурт кылын удмурт инструментъеслэсь аспӧртэмлыксы сярысь мадиз тодосчи, «удм-мадьяр» Миклош Деметер. Веранысьтыз валамон, котькуд калык шудыны кулэ ас инструментъесыныз – озьы со возьматэ ас гажанзэ,ас сюлмысьтыз яратонзэ калыкезлы, кылызлы, выжыослы!

Конференцилэн пумаз мыло-кыдо «САЙКАН» ансамбль возьматӥз ас концертсэ. Паймымон, крезь быгатэ герӟаны пӧртэм гуръесты: Чайковский но, Бах но, М.Оськин но, калык кырӟан но… чузъяськиз ваньмыз.

Председатель правления УМОО «Шунды» Юлия Никитина приняла участие в семинаре-совещании для некоммерческих организаций, проводимого Управлением Министерства юстиции Российской Федерации по Удмуртской Республике, который состоялся 15 марта т.г. Это мероприятие оказалось первым в работе с общественными объединениями, в котором приняло участие около 130 человек.

Во главе с начальником Управления Министерства юстиции Российской Федерации по Удмуртской Республике Коняхиным М.А. полномочные выступали с докладами о работе и контроле за деятельностью НКО, о новом федеральном законодательстве, регулирующем порядок регистрации и отчетности. Также достаточно доступно прошла презентация информационного портала Министерства юстиции РФ (www.unro.minjust.ru) . В заключение семинара представители НКО задавали волнующие вопросы в рамках дальнейшего взаимодействия Управления Министерства юстиции РФ по Удмуртской Республике и общественными организациями УР.