В Ижевске прошла презентация первого сборника комиксов на удмуртском языке. Это результат десятидневной работы отряда «Художники» в Межрегиональной смене для творческих детей «Шундыкар-2014». Сборник, созданный и выпущенный Удмуртской молодёжной общественной организацией «Шунды», включает в себя работы 8 детей.

18 ноября в арт-пространстве «Сахар» все желающие смогли познакомиться с творчеством молодых создателей комиксов.  Ведущей вечера была старшая вожатая лагерной смены «Шундыкар 2014» — Жанна Пьянкова. В начале презентации гости окунулись в атмосферу лагеря «Шундыкар» вместе с промо-роликом о работе отряда «Художники», видеоролик также был создан в лагерной смене отрядом «Видеоискусство». Гости также смогли поближе познакомиться с авторами комиксов, задать им вопросы, услышать наставления Михаила Николаева —  специалиста, передававшего свои знания и талант детям в лагере. Уютный уголок в арт-пространстве вскоре преобразовался из выставочного павильона в концертный зал — теплую обстановку создали акустическим исполнением песен удмуртская рок-группа «Peace Pu» и молодая исполнительница Влада Митрофанова. В конце вечера все желающие попробовали себя в роли художников и вместе с ребятами учились рисовать комиксы.

Также зрители смогли приобрести сборник комиксов, вырученные денежные средства пойдут на благотворительную акцию по созданию удмуртского мультсериала. Желающие еще могут посетить выставку комиксов в арт-пространстве «Сахар» до 26 ноября.

По всем вопросам обращаться: 89641841653 – Ульяна Хохрякова (член Правления УМОО «Шунды»)

Ой, кыӵе вить часкын ӵукна султэме уг поты! Изь но изь вал шутэтскон нуналъёсы. Но поезд уз возьма. Собере эшъёсын кузь сюрес но капчигес йӧтэ.
Озьыен, шундыос Алнаш ёросысь Кузёбай гуртэ шонто! «Шунды» огазеяськонлэн радъямез улсын «Шунды сАлянка» куинетӥзэ ортче ни: нырысетӥзэ егитъёс Шаркан ёросысь Сосновка гуртэз шулдыртӥзы, собере − та ёросысь ик Пороз гуртэз.
Кузёбай калык паймытӥз, тужгес но егитъёссы — мыло-кыдоесь, лякытэсь, ужаны но, шулдыръяськыны но быгатӥсесь. Но тужгес но устоез соиз – Кузёбай егитъёс анай кылзэс гажало, вашкала сям-йылолъёсты тодазы возьыса уло. Ми но ӵапак егитъёслы сӥзем одӥгаз вашкала сэбедэ шедим. Котькуд ар 1-тӥ куартолэзэ егитъёс гурезь йылэ тубо – Гурезь сектан ортчыто. «Ма, собере 1-тӥ куартолэзе ваньмыз утялтӥськыны пото ук! Анай-атайёсты гурезе тубемлэсь уг ало-а?» — юатэк ӧй чида ни. «Ма асьсэос но егит дыръязы тубало вал. Чидано луэ ни», — гурак серекто егитъёс.
Шулдыръяським ке, шулдыръяським ни гурезь йылын! Арган шудэм улсын кырӟамы, эктӥмы, удмурт шудонъёсын шудӥмы. Нош кыӵе ческыт инкуазьын чорыг лым кошкиз! Чиньыдэ нюлод! «Нош марлы сӥземын та сям-йылолды?» – юынъёсыным нош ерисько. Мыным лад-лад валэкто: «Гурезьмез сӥлы кариськом. Толалтэ нискылась нылпиос но шуккиськыны медаз шеде, гужем боры бичасьёс но тыро кудоосын мед бертозы, пудо но бамалъёсысьтыз сиён мед шедьтоз». Егитъёс Ӟатча гурезьзэс тау карыса, сюдыса-сектаса кошко.
Нош ӝытазе шунды нылъёс но пиос Кузёбай калыкез шулдыртӥзы: Юлия Никитина кырӟанъёссэ быдэстӥз, Дима Софронов но Вова Вахрушев такмакъёсынызы шулдыртӥзы, «Неофолк» студия йӧспӧртэм дӥсьёсын тодматӥз… Кырӟанъёс, эктонъёс, кылбуръёс, пӧртэм крезьгуро арбериосын шудэмъёс – ваньмыз пӧлэстӥськыса кошкиз. Зэмос солянка! Но тужгес но Кузёбай калык арганчимылы синмаськиз – Кузебай Герд нимо гимназиын дышетскись пияшлы Алексей Софроновлы. Гурезьысен но, концертысен но гуръёсты арганэныз кисьтӥз ке, кисьтӥз ни!
Концерт бере удмурт дискотека радъямы на. Татын но паймиськиз: ӟуч яке кунгож кырӟан лэзиськомы но – егитъёс мӧзмыны ик кутско кадь, нош удмуртэз дыръя – тапырто но, шулдыръясько но.
Уйшор бере но Кузёбай егитъёсын люкиськыны ӧм ӵыдэ ай: ваньмы ӵош гитара улсын кырӟаса пукимы, вераськимы.
Шулдыр, капчи мылкыдын Алнаш палъёсысь бертӥ. Кыл йылам нош берпуметӥез ӵош быдэстэм кырӟанмы весь берга: «Ой, шудо егит дыр…»

Ольга ТРОНИНА

Тросгес туспуктэмъёс татын: http://vkontakte.ru/album-1282238_134007491

26 оштолэзе Эшъяськон юртын Удмуртиын улӥсь финн-угор егитъёслэн фестивальзы ортчиз. Со вал пор батырлэн нуналэзлы сӥземын. «Шунды» дэменлык но пор но мордва егитъёсын ӵош туж мыло-кыдо пыриськиз та ужрадэ. Трос тыршоно луиз асьмеды «Айкай», Надежда Уткина, Казаньысь кун консерваториысь ансамбль азьын умоен возьматон понна. Ма мукет финн-угор ӵыжы-выжыосмы но туж ӟеч дасяськиллям. Читать далее →

ЧЫЛКЫТ ПОКЧИАРНЯ — ЧЫЛКЫТ КЕЧ ПАРК!
21-тӥ оштолэзе Удмурт егитъёслэн мерлыко «Шунды» огазеяськонзы туж шулдыр мылкыдын потӥз «ЧЫЛКЫТ ПОКЧИАРНЯ — ЧЫЛКЫТ КЕЧ ПАРК» утялскон акцие. Огазеяськонлэн тужгес но етӥз азьветлӥсьёсыз, кузебай Герд нимо Удмурт кун гимназиысь дышетскисьёс но нырысетӥ удмурт егитъёслы комедилэн продюсерез Петр Палган Кеч паркез утялтӥзы. Интыез токма шорысь гинэ быръемын ӧй вал, малы ке шуоно та парк Ижкарысь тужгес но «удмурт» инты луэ.
Таӵе ужрад кыкетӥ арзэ ортче ни. Кылем арын но «Шунды»-лэн ёзчиосыз Умой ужъёс лэсьтонъя арня улсын татчы жуг-жаг октыны ветлӥзы. Таӵе ужрадъёс эшшо Ижкарысь пӧртэм «удмурт» интыосын ортчытӥськозы на.
Тросгес туспуктэмъёс татын — http://vkontakte.ru/album-1282238_133070857

21-тӥ оштолэзе 17 часэ Кеч паркын Удмурт егитъёслэн мерлыко «Шунды» огазеяськонзы «ЧЫЛКЫТ ПОКЧИАРНЯ — ЧЫЛКЫТ КЕЧ ПАРК» утялтскон акцизэ кутскоз. Та ужрад ортчоз Умой ужъёс лэсьтонъя арня улсын, кудӥз ортче 16-23-тӥ оштолэзе.
Ӧтиськом та парк вӧзын улӥсьёсты но вань мылкыд карисьёсты, киязы чиньыё пӧзь (перчатки) дӥсяса, задор мылкыдын та акцие пыриськыны.
Кеч парк но мед чылкыт луоз, татын но «Шунды» мед пиштоз!

Та юан, зэмзэ, малпаськонэ уськытэ. Одӥгез гинэ удмурт пиналъёслы сӥзем лагерь арысь аре вакчиёме, Элькунысь ӧжыт коньдон сётэмен сэрен. 18 ар улыса, Шундыкар, зэмзэ, возьматэ йӧно емышъёссэ: ог 1000 адями, та лагерь пыр потыса, шедьтӥз улонын ас сюрессэ. Политикъёс, суредаськисьёс, журналистъёс, кырӟасьёс, гожъяськисьёс, кылбурчиос, киужъёсъя вырисьёс – шедьтизы ас ӧрзэс. Котькудӥзлы тодмо луо та Шундыкарен герӟаськем нимъёс: Татьяна Ишматова, Анатолий Эркишев, Вера Степанова, Григорий Степанов, Александр Катков, Людмила Чернова, Анатолий Галиханов, Марина Галичанина, Костя Никитин, Елена Никитина, Алена Петрова Дарали Лели, Дмитрий Корепанов, Надя Николаева, Любовь Киселева, Светлана Ручкина, Эльвира Панченко, Лиза Шишкина, Юля Никитина но трос мукетъёсыз.
Паймыса тодӥм туэ «Шундыкар» лагерьлы коньдон висъян сярысь йылпумъянъёсты. Егитъёсын ужанъя министерство висъя 5 нуналлы 142 пиналъёслы коньдон!!! Таӵеез ӧй вал на! Вераськонъёс бере министерство соглаш луиз висъяны коньдон 8 нуналлы, НО табере 87 адямилы! Тунсыко! Озьы ке но оскиськом, Дышетонъя но наукая министерство, Йӧскалык политикая министерство юрттэт сётыны быгытозы шуыса.
Та юан ик пуктэмын вал «Шунды» огазеяськонлэн кенешоназ (6 оштолэзе), кудаз пыриськизы Шундыкар ӧнерчиос: В.Н. Морозов, П.М. Захаров, С.М. Кибардина, К.Ш. Галиханов, Н.С. Тарасова, В.С. Ушаков, А.П. Степанов, В.А. Степанова. Кенешонын огкылэ вуизы, 27 оштолэзе «Удмурт кенеш» огазеяськонлэн дасям ужрадаз – пичи Кенешын – одно ик та юанэз ӝутыны. Кызьы вераз «Удмур кенеш» огазеяськонлэн вице-президентэз Т.В. Ишматова, Пичи Кенеш сӥземын луоз удмурт огазеськонъёслэн но Егитъёсын ужанъя министерствоен ваче ужамзылы. Озьы ик кенешонын юнматэмын лагерьлэн огъя программаез, отрядъёсъя конкурслы куронъёс.
Оскон вань, Шундыкар улоз, тросэзлы адямиослы сыӵе ик паськыт сюрес азьлане усьтыны быгатоз шуыса…

«Радуга дружбы» — таӵе нимын ужрад радъяськиз 2-тӥ оштолэзе Вавож черкогуртын. Отчы вуылыны шуд усиз Лена Рябиналы но Лиана Зайцевалы. Туж паймиллям соос вавожъёслэн капчи мылкыдзылы но куно каремзылы. Пӧсь чаен, ческыт пыжиськемен, шулдыр удмурт кырӟанъёсын но эктонъёсын пумитазы. Бергес Элькунысьтымы пӧртэм огазеяськонъёсысь егитъёс тунсыко адӟытонъёс дасязы. Удмуртъёслэн ӝӧк вылазы кыллизы «Шунды» огазеяськонмы сярысь пичияк буклетъёс, закладкаос, удмурт но финн-угор кылъёсын газет-журналъёс, куролэсь, горд сюйлэсь но чильпам ужъёс. Вавож калык ас сюлмаськонзэ шараяз, будӥсь пиналъёссы удмурт кылынымы уг верасько шуыса. Но малы ке Лена сое ӧвӧл шӧдэм: тросэз анай кылмес тодо шуыса потэм солы.
Адӟытон бере Сарапулысь дышетскисьёс туж тунсыко, паймымон концерт пуктӥзы. Пӧртэм номеръёс возьматӥзы «Вуюись», «Видергебурт», «Веселуха», «Коми нурлары», «Чолман йук», «Белые росы», «Горенка», «Раздолье» но мукет ансамбльёс, «Одлар Юрду» но «Иман» огазеяськонысь егитъёс. Чузъяськизы кырӟанъёс удмурт, ӟуч, бигер, пор, армян, немец, еврей кылъёсын (шундынылъёслы тужгес но удмурт нылашлэн, Сарапулысь Таня Окороковалэн, кырӟамез кельшем. Куараез но туж паймымон, кылъёсыз но сюлме пыӵасесь). Возьматэмын вал казакъёслэн, азербайджанъёслэн, украинецъёслэн, бигеръёслэн, поръёслэн, грекъёслэн, немецъёслэн, армянъёслэн, еврейёслэн но, валамон ини, ӟучъёслэн но удмуртъёслэн костюмъёссы. Зэмзэ но, эшъяськон вуюись. Ужрад, кудӥз котыраз сомында пӧртэм калыкъёсыз люказ!
Нош концерт бере вакчияк пресс-конференция вал на. Татын котькуд огазеяськонысь егитъёс быгатӥзы сётыны юанъёссэс Л. Н. Бурановалы, О. В. Царегородцевалы, А. В. Шуклинлы, Вавожысь но Сарапулысь кивалтисьёслы. Кар но ёросъёс вискысь герӟетъёс сярысь трос юанъёс эскеремын вал.